Presidenti Recep Tayyip Erdoğan tha: “Nëse nuk parandalohet armiqësia ndaj Islamit, autorët do të bëhen më të pamatur. Si Türkiye, ne po shprehim reagimin tonë ndaj këtij rreziku që po rritet si një top bore.” tha.
Duke folur në programin e organizuar nga Komiteti Drejtues Kombëtar Turko-Amerikan (TASC), Presidenti Erdoğan, tha:
“Ka disa grupe që në interesin tyre veprojnë për të helmuar marrëdhëniet turko-amerikane. Duke thënë të vërtetën, duke e përfaqësuar Turkiyen dhe kombin turk me përfaqësimin e duhur dhe shembullin më të mirë, do ti shmangim këto.
Në këtë drejtim, ju, qytetarët, por edhe institucionet tona zyrtare keni përgjegjësi. Pjesëmarrja juaj aktive në shoqërinë civile dhe përfaqësimi juaj në autoritetet vendimmarrëse në vend janë shumë të rëndesishme në këtë drejtim. Mos e harro kurrë këtë, jeta nuk pranon boshllëk. Kudo që të mos jesh, padyshim është dikush tjetër. Zbrazësitë që ke lene do ti plotesojnë ata që janë armiqesore ndaj vendit dhe kombit tonë. Nëse nuk mbroni të drejtat tuaja me guxim, askush tjetër nuk do të mund ta bëjë këtë në emrin tuaj.
Unë pres që ju të përpiqeni për Türkiyen, si një person i pastër me zemër në një saf, pavarësisht nga dallimet e mendimeve mes jush. Në këtë proces, solidariteti juaj me komunitetet e tjera që mbështesin vendin tonë do të forcojë përpjekjen tonë. Ne duhet t’i mbajmë radhët tona të gjera, veçanërisht kundër islamofobisë, racizmit dhe krimeve të urrejtjes. Shohim që këto tendenca të sëmura po përhapen gjithnjë e më shumë në shumë vende të botës me ndikimin e mediave sociale. Ne shpesh dëgjojmë për vëllezërit dhe motrat tona që i nënshtrohen krimeve të urrejtjes për shkak të shamive, mjekrës dhe veshjeve të tyre”, tha ai.
“Sulmet e shëmtuara kundër Kur’anit të Shenjtë nuk mund të justifikohen në asnjë mënyrë”.
Erdoğan, duke vënë në dukje se edhe komuniteti turko-amerikan është ndikuar negativisht nga vala raciste, tha: “Asnjë shtet që respekton të drejtat dhe liritë e njeriut nuk heshtë ndaj kësaj tendence dhe nuk do të duhet të heshtë. Sot, këto sulme, të cilat më së shumti synojnë myslimanët, nesër do të drejtohen drejt grupeve me origjinë, gjuhë, kultura dhe besime të ndryshme.” tha ai.
Duke thënë se ajo që ndodhi në Evropë gjatë Luftës së Dytë Botërore është skalitur në kujtesë si shembujt më të dhimbshëm të kësaj dhe se 28 vjet më parë në Srebrenicë u pa se kjo klimë urrejtjeje mund të çonte në gjenocid, Erdogan vazhdoi si më poshtë:
“Çdo krim që kalon pa u ndëshkuar e bën autorin e egër. Nëse armiqësia ndaj Islamit nuk parandalohet, autorët do të bëhen edhe më të pamatur. Si Türkiye, ne paralajmërojmë kundër këtij rreziku që po rritet si një top bore dhe e shprehim qartë reagimin tonë. Ne po e kryejmë punën tonë seriozisht për ta mbajtur këtë çështje në axhendën e komunitetit ndërkombëtar. Sulmet e shëmtuara kundër librit tonë të shenjtë, Kur’anit, në Danimarkë, Suedi, Holandë dhe së fundmi në Nju Jork, nuk mund të justifikohen në asnjë mënyrë. Ne kurrë nuk e pranojmë se sulmi ndaj vendeve të shenjta të 2 miliardë muslimanëve në mbarë botën është i justifikuar nën maskën e lirisë së mendimit. Sipas mendimit tonë, këto veprime janë provokime që synojnë provokimin e njerëzve. Siç e dini, ne kemi qenë pionierët e miratimit të një rezolute nga Këshilli i Kombeve të Bashkuara për të Drejtat e Njeriut dhe Asambleja e Përgjithshme kundër këtyre sulmeve, e cila i konsideron të gjitha aktet e dhunës ndaj librave të shenjtë si shkelje të së drejtës ndërkombëtare. Ne do të vazhdojmë përpjekjen tonë në këtë drejtim me vendosmëri. Juve ju përgëzoj për përqafimin dhe përkrahjen e kësaj çështje”.
