Administrata e Fondacioneve Islamike e Kudsit njoftoi se ka pasur një rritje të konsiderueshme të numrit të hebrenjve fanatikë që bastisën Mesxhidu’l-Aksa në Kudsin Lindor gjatë festës së Pashkës, këtë vit krahasuar me vitin e kaluar.
Në deklaratën me shkrim të administratës jepen informacione për bastisjet në Aksa gjatë festës së Pashkës, e cila filloi më 22 prill dhe zgjati për një javë. Në deklaratë thuhet: “Pas hetimeve, u zbulua se numri i hebrenjve okupues fanatikë që bastisën Mesxhidu’l-Aksanë ishte më i larti këtë vit krahasuar me vitet e mëparshme”.
U tha se 71 hebrenj fanatikë pushtues, nën mbrojtjen e policisë izraelite, bastisën Aksanë mëngjesin e sotëm.
Sipas shifrave zyrtare, 3670 pushtues fanatikë hebrenj bastisën Mesxhidu’l-Aksanë gjatë Pashkës vitin e kaluar. Vlen të përmendet se ky numër u rrit në 4 mijë e 345 këtë vit.
Në vetëm një ditë, më 25 prill, gjatë Pashkës, 1679 pushtues fanatikë hebrenj sulmuan Aksanë.
Ndërsa numri i njerëzve që bastisin Xhaminë Aksa varion midis 100 dhe 200 në ditët normale, ky numër dyfishohet gjatë festave hebraike.
Sulmet e tilla në Mesxhidu’l-Aksa nga hebrenjtë okupues fanatikë shkaktojnë përshkallëzim të tensionit në rajon.
