Sot, ambasadori i Mbretërisë së Arabisë Saudite me qendër në Tiranë, Sh.T.Z. Faisal Ghazi Ismail Hifzi, dhe atasheu për çështjet fetare pranë ambasadës Amir el Anzi, u dhuruan kopje të Kur’anit nxënësve të Medresesë. Me këtë gjest simbolik, 50 mijë kopje të Kur’anit iu dorëzuan zyrtarisht Bashkësisë Islame në Mal të Zi, e cila do t’i shpërndajë më tej përmes Mexhlisëve të saj. Dhurata e lartpërmendur është një dhuratë nga Mbreti i Arabisë Saudite për myslimanët e Malit të Zi.
Me këtë rast, ambasadori tha: “Ne jemi sot këtu për të dorëzuar një dhuratë nga mbreti, e cila përbëhet nga 50,000 kopje të Kur’anit në gjuhën shqipe dhe boshnjake. Ajo që mbart kjo dhuratë është sistemi i vlerave që ne trashëgojmë. Me këtë rast dua t’i shpreh mirënjohjen time mbretit dhe trashëgimtarit të fronit për kujdesin që ata bëjnë për ruajtjen e tekstit Kur’anor nëpërmjet shtypjes dhe shpërndarjes së librit të shenjtë.
“Kur’ani është fjalë e Zotit, është gjëja më e shenjtë për çdo musliman kudo që jeton. Myslimanët që udhëhiqen nga ajeti “Ne me madhërinë Tonë e shpallëm Kur’anin dhe Ne gjithsesi jemi mbrojtës të tij.” përpiqen ta ruajnë tekstin e shenjtë. Disa e bëjnë këtë duke mësuar përmendësh. Të tjerë e bëjnë Kur’anin të disponueshëm për njerëzit kudo në botë përmes shtypjes dhe shpërndarjes së Tij. Kjo dhuratë do të rezultojë që çdo shtëpi myslimane të ketë një kopje të Kur’anit”, tha kreu i Bashkësisë Islame, Rifat ef. Fejziqi.
Ai falënderoi mbretin dhe trashëgimtarin e fronit për kujdesin ndaj myslimanëve në Mal të Zi, dhe shtoi se kjo dhuratë është rezultat i vizitës së ministrit të fesë në Mal të Zi dhe bashkëpunimit vëllazëror të Sh.T. ambasadorit me Bashkësinë Islame në Mal të Zi.
Bashkësia Islame në periudhën e ardhshme do të shpërndajë për besimtarët Librin e Shenjtë në kuadër të projektit “Kur’ani në çdo shtëpi”.
