Para syve të gjithë botës, Izraeli pushtues vazhdon të shtojë intensitetin e sulmeve të tij në territorin palestinez të Gazës. Shtëpitë, spitalet, shkollat dhe furrat e popullatës civile bombardohen dhe njerëzimi është dëshmitar i një masakre që nuk është parë kurrë më parë në shekullin e 21-të. Ndërkohë që në shumë pjesë të botës mbahen protesta kundër mentalitetit sionist, mesazhet e mbështetjes për Palestinën po vërshojnë.
MBËSHTETJE NGA MALI I ZI
Tubimi u mbajt para selisë së Kombeve të Bashkuara në Podgoricë, jo shumë larg urës Milenium, ndërsa organizatorë janë studentë dhe të rinj të miqësisë malazezo-palestineze.
Të mbledhurit mbanin flamuj palestinezë dhe brohoritnin “Palestina e lirë” duke kërkuar nga autoritetet në Mal të Zi, që të dënojnë gjenocidin që Izraeli po kryen kundër palestinezëve.
MBËSHTETJE NGA SHQIPËRIA
Në Shqipëri është mbajtur një tubim në mbështetje të Palestinës dhe popullit palestinez dhe për dënimin e krimeve të luftës, duke u dënuar sulmet e Izraelit ndaj palestinezëve, raporton Anadolu.
Tubimi është organizuar në sheshin “Skënderbej” në Tiranë, me thirrjen e Forumit Musliman të Shqipërisë dhe me mbështetjen e aktivistëve dhe përfaqësuesve të organizatave të shoqërisë civile dhe qytetarëve.
Me flamujt e Shqipërisë dhe Palestinës në duar, pjesëmarrësit mbanin pankartat me mbishkrimet “Ndalo gjenocidin në Gaza”, “Liri Palestinës”, “Ndalo bombardimin në Gaza”, “Stop vrasjen e fëmijëve”, “Të ndalohet rrethimi i Gazës”, “Ndalo krimet e luftës së Izraelit në Gaza”, “Të aplikohet zgjidhja me dy shtete” dhe “Stop vrasja e fëmijëve”.
MBËSHTETJE NGA BOSNJA DHE HERCEGOVINA
Mijëra njerëz u mblodhën në Sarajevë, kryeqytetin e Bosnjë dhe Hercegovinës, për të protestuar kundër sulmeve të Izraelit në Gaza, raporton Anadolu.
Të pranishmit u mblodhën në sheshin përballë Bibliotekës historike Vijeçnica, një nga simbolet e Sarajevës, duke shpalosur flamuj palestinezë dhe duke protestuar kundër sulmeve të Izraelit në Gaza.
Po ashtu, në protestë morën pjesë edhe ambasadori palestinez në Sarajevë, Rezeq Namoura, kryebashkiakja e Sarajevës, Benjamina Kariq, si dhe shumë turistë.
MBËSHTETJE NGA KOSOVA
Në Prishtinë është mbajtur një marsh në mbështetje të Palestinës, e cila tash e disa ditë është në luftë me Izraelin.
Ky marsh ka nisur nga Xhamia e madhe në kryeqytet dhe ka vazhduar deri te sheshi “Zahir Pajaziti”.
Në këtë marsh morën pjesë qindra qytetarë që mbajtën në duar pankarta që dënojnë sulmet e Izraelit mbi palestinezët.
Aty u theksua se nuk mbështesin asnjë grup apo formacion ushtarak, por vetëm civilët palestinez të Gazës.
MBËSHTETJE NGA MAQEDONIA E VERIUT
Në kryeqytetin e Maqedonisë së Veriut, Shkup u mbajt protestë mbështetjeje dhe solidariteti për popullin palestinez, në organizim nga Platforma për Mbështetjen e Palestinës me sloganin “Mos hesht ndaj masakrës”, raporton Anadolu.
Qytetarë të nacionaliteteve të ndryshme si shqiptarë, turq, maqedonas, boshnjakë dhe romë, u mblodhën në sheshin e Xhamisë Murat Pasha në Çarshinë e Vjetër të Shkupit dhe mbajtën pankarta në mbështetje të Palestinës dhe kundër Izraelit.
Në pankarta shkruhej: “Shpëtoni Palestinën”, “Shpëtoni Gazën”, “Liri për Palestinën”, “Mjafton të jesh njeri për ta mbështetur Palestinën”, “Izraeli është terroristi i vërtetë”, “Ndaloni së bëri atë që ju bëri Hitleri”, “Mbështetja e Palestinës do të thotë mbështetje për njerëzimin”, “Lutu për Palestinën”, “Mos e prekni Xhaminë Al-Aksa”, “Ndaloni masakrën, ky është gjenocid”, “Nuk mund të marrim frymë që nga viti 1948”.
MBËSHTETJE NGA BRITANIA E MADHE
Përafërsisht 100,000 protestues u mblodhën në Londrën qendrore për një demonstratë pro-palestineze, duke bërë thirrje për një armëpushim të menjëhershëm në Gaza pas armiqësive të fundit.
Protestuesit marshuan nëpër qytet, duke brohoritur “Palestina e lirë”, duke mbajtur pankarta dhe duke valëvitur flamujt palestinezë.
Ata përfundimisht u mblodhën në Downing Street, rezidenca zyrtare e kryeministrit britanik Rishi Sunak.
Demonstrata u organizua nga Fushata e Solidaritetit të Palestinës.
Protesta ishte kryesisht paqësore.
Policia kishte paralajmëruar se mbështetja e Hamasit nga protestuesit, organizatë e ndaluar në Britani, mund të çonte në arrestime.
MBËSHTETJE NGA FRANCA
Mijëra njerëz janë mbledhur në kryeqytetin e Francës, Paris, për të shprehur mbështetje për Palestinën në vazhdën e sulmeve të Izraelit në Rripin e Gazës, raporton Anadolu.
Protestuesit kundërshtuan sulmet izraelite në Gaza, duke mbajtur flamuj dhe pankarta dhe duke brohoritur slogane.
Konflikti në Gaza, nën bombardimet dhe bllokadën izraelite që nga 7 tetori, filloi kur Hamasi nisi operacionin “Tufani i Aksasë”, një ofensivë e befasishme nga shumë drejtime në qytetet kufitare izraelite.
Ushtria izraelite më pas nisi operacionin “Shpatat e Hekurta” në Rripin e Gazës.
Gaza po përjeton një krizë të rëndë humanitare, pa energji elektrike, ndërsa uji, ushqimi, karburantet dhe furnizimet mjekësore po mbarojnë.
Të paktën 3.785 palestinezë janë vrarë në sulmet masive izraelite në Gaza, ndërsa shifra qëndron në më shumë se 1.400 njerëz në Izrael.
MBËSHTETJE NGA IRANI
Populli iranian, i cili deklaroi se ka qenë me Palestinën që nga dita e parë, organizoi demonstrata kundër Izraelit në shumë pika. Kryeqyteti Teherani ishte gjithashtu një nga vendet ku u mbajtën demonstratat mbështetëse.
MBËSHTETJE NGA KANADA
Në Kanada, si në shumë vende, u mbajtën protesta kundër gjenocidit të Izraelit kundër palestinezëve që jetojnë në Gaza.
Mijëra studentë dhe mësues u mblodhën në universitete dhe brohoritën parulla kundër mentalitetit sionist, të shoqëruar me flamuj dhe pankarta palestineze.
MBËSHTETJE NGA ARGJENTINA
Ndërsa mbështjetja ndaj shtypjes që u bë Palestinës, sulmet izraelite u protestuan në vendet e Amerikës së Jugut, Argjentinë dhe Ekuador.
MBËSHTETJE NGA BRAZILI
Populli i Brazilit ishte ndër vendet që nuk heshtën kundër shtypjes. Në qytetin e San Paulos u brohorit me thirrje solidariteti se populli palestinez nuk është i vetëm.
MBËSHTETJE NGA ALGJERIA
Në Algjeri u mbajtën protesta kundër Izraelit pushtues.
Populli algjerian dënoi sulmet në tokat palestineze, veçanërisht në rripin e Gazës, i cili është nën bllokadë izraelite.
MBËSHTETJE NGA MAROKU
Në disa qytete të Marokut, kundër sulmit të Izraelit u protestua.
Në aksionin me qendër në kryeqytetin Rabat, demonstruesit u bënë thirrje vendeve islamike dhe arabe që të mbështesin popullin në Palestinë me një qëndrim të vendosur.
MBËSHTETJE NGA HOLANDA
Në qytetin e Utrehtit në Holandë, për palestinezët u organizua një demonstratë mbështetjeje dhe solidariteti. Mijëra njerëz ecën nga sheshi Dam në Jaarbeurs Mevdani duke brohoritur “Së bashku për Gazën”.
Populli, i cili në shumë pika ka shpallur mesazhe mbështetjeje për Palestinën që nga dita e parë, ka hasur në pengesa policore në sheshe.
MBËSHTETJE NGA SPANJA
Spanja njoftoi se ka qenë në anën e popullit palestinez që nga dita e parë dhe Ministri i të Drejtave Sociale i kërkoi qeverisë të ndërpresë marrëdhëniet diplomatike me Izraelin.
Në demonstratat e mbajtura në qytetin e Barcelonës, sulmet e Izraelit në Rripin e Gazës, veçanërisht në Spitalin Baptist Al-Ehli, u protestuan me marshime.
MBËSHTETJE NGA PAKISTANI
Në Islamabad, kryeqyteti i Pakistanit, një nga vendet myslimane, organizatat joqeveritare organizuan protesta të shumta kundër sulmeve të Izraelit pushtues.
Pas thirrjes për mbështetje nga organizatat joqeveritare në Pakistan, shumë njerëz u mblodhën në kryeqytet.
MBËSHTETJE NGA SLLOVENIA
U organizua protesta kundër Izraelit në Lubjanë, kryeqytetit të Sllovenisë, dhe një vend evropian.
Qindra demonstrues, duke mbajtur flamuj dhe pankarta dhe duke brohoritur slogane, protestuan kundër sulmeve të pushtuesit izraelit.
MBËSHTETJE NGA SOMALI
Një nga vendet e Afrikës Lindore, protestuesitt e mbledhur në Mogadisu, kryeqytetit të Somalisë, protestuan kundër sulmeve të vazhdueshme të Izraelit në territoret palestineze, veçanërisht në Rripin e Gazës.
Demonstruesit valëvitën flamuj palestinezë dhe mbanin pankarta që denonconin sulmin e Izraelit në Gaza.
MBËSHTETJE NGA KILI
Një demonstratë solidariteti me popullin palestinez u mbajt në Santiago, kryeqyteti i Kilit, një vend në Afrikën e Jugut. Njerëzit mbanin pankarta në mbështetje të Palestinës kundër sulmeve të Izraelit.
MBËSHTETJE NGA IRAKU
Turkmenët në qytetin Kirkuk të Irakut protestuan pasi Izraeli bllokoi Rripin e Gazës.
Një grup i ri prej njëqind vetësh, me flamuj palestinezë dhe irakianë në duar, dënuan sulmet izraelite në të cilat vdiqën mijëra banorë të Gazës.
MBËSHTETJE NGA LIBANI
Protestuesit në Bejrut u mblodhën pas namazit të xhumasë dhe brohoritën parrulla kundër sulmeve në Rripin e Gazës.
MBËSHTETJE NGA VENEZUELA
Të shtunen në kryeqytetin Karakas të Venezuelës, u organizua protestë për përfundimin e menjëhershëm të luftës së
Izraelit në Gaza.
MBËSHTETJE NGA SUEDIA
Një protestë masive u zhvillua në Malmö duke deklaruar se qyteti qëndron përkrah Palestinës dhe të drejtave të palestinezëve.
MBËSHTETJE NGA SHBA
Mijëra njerëz u mblodhën në Uashington DC në protestë kundër fushatës së gjenocidit izraelit në Gaza.
