Tre muajt janë kohë kur mëshira dhe falja hyjnore përfshijnë gjithë universin dhe besimtarët i drejtohen kolektivisht adhurimit. Tre muajt e shenjtë, janë periudha të çmuara që presim me padurim çdo vit.
Duke kujtuar Muhamedin a.s., i cili tërhiqte vëmendjen për tre muajt dhe lutej: “O Allah, bëji muajt Rexhep dhe Shaban të begatë për ne dhe na mundëso të arrijmë Ramazanin.”
Në këto ditë të vlefshme, besimtarët duhet të hapin një faqe të re në jetën e tyre duke ndjekur të vërtetën, të mirën dhe të bukurën. Ata duhet të sjellin gëzim dhe lumturi në zemrat e pikëlluara, të kalojnë nga ndjenja e “Unë” drejt ndërgjegjes së “Ne”-s, dhe kështu të shpresojnë të arrijnë paqe në këtë botë dhe në botën tjetër.
Gjatë këtyre muajve të shenjtë, duhet të agjërohet sa më shumë që të jetë e mundur, t’i kushtohet më shumë rëndësi adhurimit gjatë natës, të bëhet çdo ditë një vepër e mirë, të shtohen vizitat familjare dhe të lexohet sa më shumë Kur’ani, duke reflektuar mbi kuptimin e tij dhe duke u përpjekur për një jetë që i pëlqen Allahut.
Gjithashtu, këta muaj mund të shndërrohen në një mundësi edukative duke u shmangur jo vetëm nga ngrënia dhe pirja gjatë agjërimit, por edhe nga zakonet e këqija. Duhet të largohemi nga gënjeshtrat, thashethemet, përgojimet dhe fjalët e kota pa dobi.
Tre muajt e shenjtë, të cilët u ofrojnë myslimanëve mundësinë për të reflektuar, rinovuar dhe pasuruar jetën e tyre të përditshme me ndjenja fetare dhe intensitet adhurimi, ndodhen edhe net të veçanta si Nata e Regaibit, Miraxhit, Beratit dhe Kadrit.
