Mijëra muslimanë nga Arakani (Rohingya), janë zhvendosur për shkak të konflikteve në rritje në Mianmar, ata po strehohen pranë lumit Naf në kufirin e Bangladeshit dhe Mianmarit. Mohammad Nur Hashem, një udhëheqës i komunitetit që qëndron në një kamp refugjatësh në qytetin Cox’s Bazar të Bangladeshit, i tha Agjencisë Anadolu se muslimanët e Arakanit (Rohingya) janë zhvendosur për shkak të konflikteve. Hashem deklaroi se mijëra myslimanë Rohingya, për të shpëtuar nga konfliktet në rritje në Mianmar, u mblodhën pranë lumit Naf për strehim. Duke thënë se muslimanët Rohingya u larguan nga fshatrat e tyre në grupe, ku konfliktet përshkallëzohen, Hashem tha se: “Afro 200 njerëz arritën të kalonin kufirin e Bangladeshit dhe arritën në kampet e refugjatëve në Cox’s Bazar.”
Mohammed Rezwan Khan, një tjetër Rohingya që qëndron në Cox’s Bazar, vuri në dukje gjithashtu se rreth një mijë myslimanë Rohingya ishin mbledhur përgjatë kufirit juglindor. Khan tha: “Myslimanët Rohingya mblidhen në grupe çdo ditë përgjatë kufirit të Bangladeshit për të kërkuar strehim. Megjithatë, me masa të rrepta sigurie, ata pothuajse nuk lejohen të hyjnë në Bangladesh.”
Në konfliktet që shpërthyen mes budistëve dhe myslimanëve në shtetin Rakhine të Mianmarit në vitin 2012, mijëra njerëz, kryesisht myslimanë, u masakruan dhe qindra shtëpi dhe vende pune u dogjën. Sulmet masive të kryera nga ushtria e Mianmarit dhe nacionalistët budistë, duke përmendur sulmet e njëkohshme në pikat kufitare në Rakhine më 25 gusht 2017, gati 1 milion njerëz që ikin nga dhuna u strehuan në vendin fqinj Bangladesh. Bangladeshi pranon më shumë se 1.2 milionë myslimanë që janë larguar nga Mianmari që nga viti 2017.
