Ka filluar pritja me emocione e besimtarëve që do të shkojnë në vendet e shenjta për haxh. Përpara nisjes çfarë kërkohet të bëhët, duhet që të bëhën disa pastrime trupore dhe shpirtërore.
Rishikoni ibadetet tuaja: Haxhi, ashtu si aktet e tjera të adhurimit, ai është një proces pastrimi dhe ripërtëritjeje shpirtërore. Bëni ibadetet tuaja rregullisht faleni namazin në kohë, lexoni Kur’an, bëni dhikër dhe dua.
Mësoni disa njohuri rreth Haxhit: Është e rëndësishme të mësosh detajet dhe detyrimet e Haxhit. Në këtë kuadër, marrni pjesë në trajnimet dhe seminaret për Haxh të organizuara nga Bashkësitë Islame nën koordinimin e Meshihatit të Bashkësis Islame në Mal të Zi dhe lexoni libra për Haxhin.
Përgatitja fizike: Haxhi mund të jetë edhe fizikisht kërkues. Prandaj kontrolloni gjendjen tuaj shëndetësore përpara se të shkoni dhe konsultohuni me një mjek nëse është e nevojshme.
Rendi dhe pastërtia personale: Do të jeni rreth shumë njerëzve gjatë haxhit. Prandaj, kujdesuni për higjenën tuaj personale. Përgatitni gjërat tuaja të nevojshme dhe merrni ato me vete.
Përgatitja shpirtërore: Haxhi është një udhëtim shpirtëror dhe ju duhet ta filloni këtë udhëtim shpirtërisht. Pastrojeni zemrën tuaj, mësoni të falni dhe të mëshironi, shtoni lutjet tuaja dhe forconi përkushtimin tuaj me Allahun.
Përpara udhëtimit të bekuar paraprakisht, thoni lamtumirë të afërmve, miqve dhe fqinjëve tuaj dhe kërkojuani të jua bëjnë hallall.
Pendimi dhe falja: Para haxhit pendohuni për t’u pastruar nga mëkatet dhe kërkoni falje shpesh nga Allahu.
Planifikimi dhe organizimi: Para se të shkoni në haxh, konsultohuni, merrni informacione për udhëtimin tuaj dhe kontaktoni udhëheqësin e grupit tuaj dhe zyrtarët fetarë që do t’ju udhëheqin. Gjithçka që mund t’ju nevojitet gjatë haxhit rëndisni në një listë.
Haxhi është një ibadet i rëndësishëm për muslimanët. Është një mundësi dhe bekim. Prandaj, para se të shkoni në haxh, përkushtojuni këtij adhurimi të shenjtë.
Mundohuni të përgatiteni në mënyrën më të mirë të mundshme.
Duke synuar sinqerisht për haxhin, duke marrë si udhëzim hadithin e Pejgamberit a.s., “Veprat janë sipas qëllimit” nisuni duke thënë: “O Allah, unë do të bëj haxhin tim për hirin tënd”.
Jini të durueshëm, duke e ditur se një haxhi i detyrueshëm do të përfundojë me durim, që nga momenti i parë i udhëtimit deri në kthimin në shtëpi. Mos harroni se Pejgamberi a.s. e përkufizoi Haxhin si vështirësi.
