Makina vendase e Türkiyes, Togg, u ekspozua për 3 ditë në eventin “Panairi im” të organizuar në Breda, të Holandës.
Duke treguar interes të madh për Togg, në këtë ngjarje qytetarët turq bënë foto kujtimi.
Emre Köksüz, i cili u kthye në Turqi 6 vjet më parë dhe shkoi me pushime në Gjermani me makinën e tij Togg, tha se me kërkesën e organizatorëve të panairit ai e ekspozoi makinën e tij pa kërkuar pagesë.
Köksüz deklaroi se ishte krenar për automjetin Togg, që zotëronte dhe se ata që erdhën në panair treguan interes të madh për automjetin.
Duke thënë se ai e kishte parë Toggun në televizion më parë, Yahya Canel, tha: “Togg është shumë më i bukur nga sa prisja. Dizajni është vërtet i bukur. Duket bukur edhe nga jashtë. Türkiye bëri atë që duhej të bënte. Tani e tutje, si popull, ne duhet të mbështesim dhe blejmë Togg. Është krenaria e Turqisë,” tha ai.
Po ashtu Yasin Altintaç u shpreh se Togg është krenari, dhe tha: “U bëftë mbarë për vendin dhe kombin. Do ta shohim së shpejti. Ne presim që ai të dalë në shitje në Evropë. E kam parë më parë, por nuk kam hipur kurrë në të, ok, shkëlqyeshëm,” tha ai.
Duke deklaruar se e pa Togg për herë të parë, İbrahim Kütük tha: “Zoti i bekoftë ata që e ndërtuan. Kjo makinë është me të vërtetë krenaria jonë. Ja vlen ta shohim dhe ta blejmë. Nëse kemi mundësi, do ta blejmë edhe ne. Kjo është ëndrra dhe dëshira jonë.”
Keziban Albayrak Kiliç, tha: “Zoti i bekoftë të gjithë ata që morën pjesë. Është shumë i bukur, jam shumë e emocionuar dhe e lumtur”.
Haktan Aydın tha se ai priste me padurim dhe me emocion këtë ditë për të parë Togg brenda dhe jashtë.
